Comezamos co Ioga

   Na xornada de onte fixemos moitas actividades pero houbo unha na que notei que tiñan mooooitas ganas: O IOGA!!

Para poder sacarlle o máximo partido facemos dous grupos: primeiro vai un coa mestra Teté mentres o outro grupo queda comigo realizando tarefas escritas e logo facemos o cambio. Isto permítenos que ao ser grupos máis pequenos podemos atendelos mellor individualmente, manter as distancias, corrixir posturas, reforzar coñecementos... Todas son vantaxes.

Cóntovos un pouquiño cómo o realizan: ao chegar á aula de psicomotricidade desinfectan as mans e quítanse o mandilón e o calzado e cada un colócase na súa esterilla individual para comezar co estiramento dos músculos de todo o corpo e máis iniciarse na calma e na concentración do corpo.

A verdade é que fixérono estupendo, comprobádeo vós mesmos...

Nesta sesión fixeron a postura do peixe (Matsya- asana) no que estírase a espalda, brazos, pescozo... o que permite correxir a postura corporal, aumenta a capacidade pulmonar... ademáis de axudar a aliviar tensións e ser relaxante.

A postura esixía una paso máis que foi colocar ben a cabeza e o pescozo; con moita suavidade e axudandolles un a un para non mancarse. 

Para rematar, vanse calzando, póñense o mandilón e o abotonan mentres a profe desinfectan as esterillas. 

Así  volvemos ó aula coas pilas ben postas!