Xa que estamos comezando a coñecer terras africanas non podiamos desperdiciar a ocasión de coñecer máis a fondo as máscaras e para qué as empregan.
Comezamos primeiro falando dos materiais que usan para elaboralas e tamén cómo fan para decoralas e pintalas.
Observamos algunhas na pantalla e identificamos distintas formas xeométricas: círculos, cadrados, rectángulos, triángulos, rombos, óvalos... e descubrimos que conseguimos atopar unha manchea delas!
E claro... cómo resistirse a diseñar as nosas propias máscaras africanas: observar, imitar, diseñar, pintar, manupilar formas para recoñecelas mellor, pegar, coser...
Así de decorado quedou o corredor que rodea á aula
Agora só queda saber quen se atopa detrás delas... É un reto difícil familias asi que sorte!
Pero resulta que en África non só empregan máscaras se non que tamén pintan a cara...
E claro, outra vez non podiamos deixar pasar esta ocasión de imitar as súas maquillaxes asi que... mans á obra e a empregar a técnica do punteo pero con bastoncillos afinando así a nosa motricidade fina e creatividade.
Este é o noso corcho da aula preparado cun aspecto máis "Carnavalesco"; estamos aproveitando para coñecer costumes e tradicións das tribus, das que estamos seguros de que aprenderemos moito, moito.