Pascua 🐰🐰

    Levamos unha semana cos preparativos de elaborar as portadas dos traballos do trimestre máis as bolsas para poder meter todo e levalo para casa cando soubemos que un coello baixaría ata o cole para traernos uns oviños de chocolate. Houbo algún/ha que non o cría asi que decidimos investigar e buscar algunha pista. Cal foi a nosa sorpresa cando onte atopamos no patio unha foto súa e máis tarde restos de pelos asi que non había dúbidas de que o coello de Pascua andaba preto.

Asi que hoxe estaban super nerviosos desexando que chegara o momento de sair ó patio a ver se deixara os doces ou non... Polas imaxes diría que si!

Asi que xuntamos todos os que atopamos no colo da profe Alba

E decidimos contalos para facer o reparto igual para todos.

Algúns quixeron gardalos na bolsa para levalos a casa pero outras (profes incluídas) non puidemos resistirnos...

Cando chegamos de volta á aula non facían máis que cotillear para ver volvía a pasarse e así poder velo.

Foi un día "completiño" no que puidemos disfrutar da nosa merenda de Pic-nic

E na que posamos todos orgullosos/as coas nosas bolsas 

 

E as portadas... 

E aquí damos por rematado este trimestre! 

Vémos á volta!!

  

Semana da Prensa

   Son tantas cousas que facemos que quedáranos por compartir con todos vós o traballado durante a Semana da Prensa. 

Como coincidía moi preto da conmemoración do 8M fixemos unha proposta conxunta dende o Centro; para esta celebración escolleuse unha canción do grupo Tanxugueiras titulada "Que non mo neguen". 

Aquí a tendes por se queredes escoitala 

Asi que todos xuntos na Asemblea falamos sobre este grupo formado por  Aída e as xemelgas Olaia e Sabela, e comezamos a pensar en preguntas que lle poderiamos facer se tivesemos a ocasión de entrevistalas. Logo seleccionamos as que máis nos gustaron e pasámosllas ao Equipo de Dinamización.

 Destas interesantes preguntas seleccionaron dúas asi que escollimos a dous representantes da aula para convertirse en xornalistas. 

Só quédanos esperar a que respondan a todas as nosas preguntas!

   Outra actividade foi inventar unha nova sobre a cooperación para, entre todo o cole, formar un xornal.

Como estabamos por África e gustounos tanto a labor que estaba a facer Yacouba decidimos botarlle imaxinación e creatividade para diseñar a nosa noticia. 

Os masais e experimento

    Durante as nosas andainas por terras da sabana coñecimos as súas características como a vexetación (acacia, baobad e arbustos) e algún animal novo para nós como o dik-dik, o kudú, o xabarín verrugoso ou o caracal, engadimos así vocabulario novo e descubrimos novos mundos. Para que non se nos esquezan diseñamos na aula unha nova caixa de ecosistema que acompañará o que xa tiñamos do Sáhara. Así poderemos xogar con eles ao mesmo tempo que recordamos os nomes e recordamos cómo se escriben.

Pero tamén descubrimos unha nova tribu: os masais

O que máis nos chamou a atención deles foron os bailes dando saltos a ver cal o facía máis alto e os preciosos colares que empregan as mulleres e que elaboran coas súas propias mans.

Ademáis descubrimos que as cores que empregan van asociados a distintas conceptos:

- vermello: valentía

- branco: paz e saúde

- azul: enerxía, ceo e auga

- laranxa e amarelo: hospitalidade, amabilidade

- verde: á natureza

e o negro que representa ó seu continente, África

E como vai de saltos hoxe fixemos un experimento que igual xa vos contaron porque estaban contentísimos de levalo á práctica: os fideos saltóns!

Fixemos hipóteses do que podería pasar (vanse desfacer, saltarán por toda a clase, vanse poñer duros, parecerá como unha sopa... ¿?

Aquí un video con Mateo que reflexa a sorpresa que levaron...

Logo botámoslle colorante para darlle máis colorido e poder ver mellor os fideos.

Deixamos aquí os pasos escritos por se vos animades a facelo na casa.

Aniversario de Noa

 

Na Guarida Secreda hoxe tivemos celebración do cumple de Noa e non podía estar máis

contenta por ter xa os 5 anos! 

Como ven sendo habitual este curso pois cantámoslle o "Cumpreanos Feliz" e soplou a candea para logo posar co mellor dos sorrisos.

Entre todos fixemos a "Roda dos Agasallos" para dicirlle todo aquelo que nos gusta dela:

- Eres moi bonitiña

- Gústanme os mandilóns que tes

- Pásoo moi ben contigo no patio

- Gústame xogar contigo e que sexas a miña amiga

- Fas moi ben os traballos

- Tes unha medias azuis moi chulas...

E como colofón final Noa escolleu a canción de "Cumpleanos Feliz" da marchosa de Luli Pampín!!

                                      

                    Esperamos que tiveras un bonito día e desfrutaras do teu cumple!!

                                                  

                                                  

Ademáis hoxe remataba a cuarentena do agasallo que trouxo Icía para a clase;  estabamos desexando abrilo e descubrir de que se trataba! E qué menuda sorpresa!!! Un conto sobre África e todo o que estamos aprender estos días no cole: a sabana.

Polo medio das páxinas van aparecendo botóns co son do animal que vai aparecendo na lectura e o que o fai moito máis interesante e motivador; o certo é que nas primeiras páxinas non nos funcionaba pero axiña improvisamos e decidimos que cando a mestra tocara o botón, eles farían o son... Todo ía estupendamente ata que apareceu o león e eles tanto ruxiron e ruxiron que nese momento o conto comezou a funcionar... como algunha nena dixo: "ao mellor asustouse e por iso agora funciona" 😂😂😂

Fora o que fora o conto encantounos e o gardaremos na Biblioteca de Aula para seguir disfrutando del. Moítisimas grazas Icía!