Aniversario de Noa

 

Na Guarida Secreda hoxe tivemos celebración do cumple de Noa e non podía estar máis

contenta por ter xa os 5 anos! 

Como ven sendo habitual este curso pois cantámoslle o "Cumpreanos Feliz" e soplou a candea para logo posar co mellor dos sorrisos.

Entre todos fixemos a "Roda dos Agasallos" para dicirlle todo aquelo que nos gusta dela:

- Eres moi bonitiña

- Gústanme os mandilóns que tes

- Pásoo moi ben contigo no patio

- Gústame xogar contigo e que sexas a miña amiga

- Fas moi ben os traballos

- Tes unha medias azuis moi chulas...

E como colofón final Noa escolleu a canción de "Cumpleanos Feliz" da marchosa de Luli Pampín!!

                                      

                    Esperamos que tiveras un bonito día e desfrutaras do teu cumple!!

                                                  

                                                  

Ademáis hoxe remataba a cuarentena do agasallo que trouxo Icía para a clase;  estabamos desexando abrilo e descubrir de que se trataba! E qué menuda sorpresa!!! Un conto sobre África e todo o que estamos aprender estos días no cole: a sabana.

Polo medio das páxinas van aparecendo botóns co son do animal que vai aparecendo na lectura e o que o fai moito máis interesante e motivador; o certo é que nas primeiras páxinas non nos funcionaba pero axiña improvisamos e decidimos que cando a mestra tocara o botón, eles farían o son... Todo ía estupendamente ata que apareceu o león e eles tanto ruxiron e ruxiron que nese momento o conto comezou a funcionar... como algunha nena dixo: "ao mellor asustouse e por iso agora funciona" 😂😂😂

Fora o que fora o conto encantounos e o gardaremos na Biblioteca de Aula para seguir disfrutando del. Moítisimas grazas Icía!

Novas da semana

    Durante esta semana estivemos facendo tarefas pero penso que de todas houbo dúas que destacaron das demáis...

A primeira foi confeccionar os nosos manteis individuais para a merenda; como estabamos percorrendo a sabana africana e encántalles os animais que viven nela pois decidimos elaboralos sobre esta temática. Visionamos varias fotografías e escollimos as cores que aparecian con máis frecuencia,logo seleccionamos 5 animais e por último só quedaba arremangarse para experimentar cunha nova técnica de pintar empregando globos. Mirade qué ratos máis divertidos pasaron!

Unha vez seco toculle quenda a poñer as pegatinas facewndo un esforzo na motricidade fina para despegalas e  tamén a ter paciencia e esforzarse en intentalo.

E xa por último plastificalos e listos para o seu uso! 

Unha vez rematadas as merendas e xa con todo recollido pasámoslle o desinfectante para poder gardalo e usalo nos seguintes días. 

A outra nova  foi o venres, día que tiñamos elexido para ir á horta e, aínda que parecía que o tempo non permitiría que foramos, ao final levamos unha alegría cando o sol fixo presencia. Ademáis contamos coa axuda do profe José polo que plantamos: leitugas, amorodos, chícharos, perexil e menta.

A partir de agora iremos revisar se van medrando, regalas e ver se todo está en orde. 

Para a semana irei contando máis novidades. Ata pronto!